Ben dilà dai schermis

MTB Friuli: lin a scuvierzîlu

mtb friuli percorsi per bici Il canâl YouTube di MTB Friuli: lis aventuris in montagne, i zîrs adun, lis iniziativis fatis e dut ce che al vignarà!
Cjale e fâs zirâ il trailer di MTB Friuli!

mtb friuli percorsi per bici In plui, la interviste dal grup MTB Friuli te 12e pontade de trasmission Xtrim People, "passâ i nestris limits!",
in television martars 14 di Març 2017 sul canâl CafèTV24.
L'interviste te nestre lenghe, la lenghe che nô o tabaìn dilunc lis pedaladis: su Onde Furlane une curade interviste
de bande di Pauli Cantarut te trasmission "Ator ator", che si cjate in streaming.

Adun, ancje in siele

MTB Friuli o sês voaltris!

Il grup di MTB Friuli, Franz e Simone che o cognossarês daurman, al dâ il so timp par fâ, tratâ, tignî simpri gnûf il sît cun percors, descrizions e tant ancjemò.
Chê che però e je la fonde de idee si la cjate te home page e al è il "meti in zûc esperiencis", pedalâ adun cjalant ducj il stès bielvedê e, al stès timp, fâ la stesse fature di chei altris, in bande a ti di rive sù.
Par cheste reson MTB Friuli al met adun zîrs di grup, che tu cjatis te pagjine zîrs cun nô.

Francesco

mtb friuli percorsi per bici Par me lâ in bici al è un moment, une ocasion, un mût par gjavâsi des robis di ducj i dîs; par chest chei che mi plasin di plui a son i zîrs di doi dîs. Chei ca a son un stacâsi de robis di ducj i dîs, un moment par no vê masse pinsîrs, lis robis su lis spalis. Di spès chescj zîrs a ti lassin stâ tal mieç de nature, dut cuiet ator, cjapâts a bracecuel de atmosfere cidine.

mtb friuli percorsi per bici

Il vie pe setemane al è tal ufici o te machine ator pe Italie lavorant ta lis radioterapiis; passant oris fra computer e a comedâ tocs. Lis seradis invezit si jemplin cun lis ideis dal cjaminâ in mont, su la energjie e te nature e tai cjamps.

Il fin setemane si lu passe cul lâ in mont, cul cori a pît, ma plui di dut la mountain bike - al mancjarès! O ai tacât cu la mountain bike a 14 agns - i motorins a no mi plasevin - cun "la Bici", une MTB su misure di Colledani, San Denêl. Tantis monts ma di spès su asfaltât.
E daspò la SantaCruz, clamâde "Tori", une all mountain par rivâ a lâ li che prime a no si podeve.

Simone

mtb friuli percorsi per bici La MTB a mi becât cuant che o vevi 18 agns, dopo che o vevi fat altris sport, cence mai stâ fer. La prime volte in montagne cun Francesco, cence sedi stât ator tanti altris voltis, o ai metût sul diâri une di chês buinis coladis che tu ti visis par un biel pies. Par un an jo, bici e MTB a no si sin tabajâs. Spiete che ti spiete, la voe di lâ ator je tornâde, plui di prime. Cussì, dopo vê metût in bande cualchi carantan, e cîr di ca e cîr di là, a soi rivât a vê la mê SantaCruz.

La mê passion pe bici la spartìs cui miei amiis, chê a sedi su strade o all mountain. Al è un biel mût per stâ adun. Il plui a mi plâs la fotografie, ancje se a la fâs tal timp libar. Tal rest dal timp o lavori in Inzegnarie Ambientâl e Zivîl, ancje se cumò o soi a vore intun puest lontan pardabon. Di stes o soi simpri cu lis mans in man tal sît e tal progjet MTB Friuli mi ten dongje de maraveose nestre Regjon.