Adun ae discuvierte dal teritori

Ator cu la guide

mtb friuli percorsi per bici Lant vie cun Francesco, guide di bici e cjaminadis per mieç de Associazion Nazionâl di Mountain Bike, o esplorarês lis bielecis de Regjon, cu la semplicitât di viazâ dilunc des pistis pes bicis, stradis blancjis e stradelis asfaltadis. Un teritori che al permèt a ducj: dai zîrs juscj pai fruts e pes fameis, a lis scjaladis su adalt pai cicliscj plui aventurôs.
MTB Friuli us lasse a ducj voaltris i percors, adun a lis fotos e lis descrizions. Ven a stâi che un zîr adun al à un altri spirit, e chest al è il motîf che o vin fat il sît, ven a dî "meti in zûc esperiencis": cognossi, cjalâ e preseâ adun la elegance dai panoramis, la fature de rive sù e il gjoldisi la rive jù, il sflandôr des bielecis storichis che son e, che no puedin mancjâ, lis cantinis e lis ostariis cui lôr vins e i lôr plats dilunc fûr dute la Patrie.
Propit par chest il grup di MTB Friuli al è disponibil par fâ dai zîrs adun.
Par savê alc di plui, scrivinus a:

 

Dulà nino?

Propuestis

Come che si viôt te pagjine dai zîrs, la Regjon Friûl Vignesie Julie e je plene di zîrs pes bicis, sedi anel, sedi un viaç fra dôs citâts diferentis, tacadis dai mieçs publics.

Ufiert da: mtb friuli percorsi per bici mtb friuli percorsi per bici

 

Lignan in bici

12 km (36 km tornant indaûr): Rive di Lignan - Riviere - Bevaçane - Bibion - Il fâr di Bibion
32 km, si torne in bus: Lignan - Prissinins - Puint sul Stele - Risierve Naturâl de Valle Canal Novo - Maran
58 km, si torne in bus: Lignan - Roste dal Tiliment - Madris - Plêf - Vile Manin

Dôs ruedis in Friûl Vignesie Julie

Alpe Adrie - Trê Paîs, la stesse Tiere

Un piçul puest li che al è dut: dal mâr a lis monts, in plui i visitadôrs di dute la Europe, come de Austrie, de Gjermanie, dal Benelux, de Ingletiere e tant ancjemò!
Propit par chest lis lenghis che MTB Friuli al dopre a son il talian, l'inglês, il todesc e il furlan.

In pôcs minûts in bici

Nature e Storie - Une bondance uniche

La nestre Tiere e à, in mancul di 100 chilometris, une infinide vastitât di contignûts, sei de storie che de nature.
Come che al ripuarte ben il ConTOUR FVG, al è sempliç lâ e viodi in bici i centris storics e i borcs di Cividât e Aquilee - ducj i doi a son patrimoni dal Unesco - adun cui borcs indurants di Grau, Duin, Triest, Gardiscje, Gurize, Cormons, Rosacis, Primulà, Tarcint, Glemone, Vençon, Osôf, Buie, San Denêl, Feagne, Braçà, Morùs, Udin, Clauian, Palme, Cjampfuarmit, Passarian, Ariis, Muçane, Maran, Cordovât, Siest, Voleson, Polcenic, Pofavri, Top, Pinçan.
La nature no je di mancul, jemplant la Regjon Friûl Vignesie Julie di ducj i ambients.
Da la cueste di savalon a Sud, miscliçade a lis Marinis di Grau e di Maran, al Cjars - une cueste alte e di crets - a Est; la plane e i Cuei, plen di vignâi, tal mieç da la Regjon. Di no pierdi lis gravis de Midune e de Ciline e lis Risultivis, dutis dôs peculiaritâts unichis de nestre Regjon.
Si va sù a lis monts rivant a lis Juliis e a lis Cjargnelis: diviersis fra di lôr come struture ma, tal stès timp, une vore bielis pai boscs e i prâts che lis cuvierzin e i forans, des valadis stretis par vie dai crets. E juste par chest no mancjin lis Dolomitis, cun dutis lis cimis a Nord e il Bosc dal Cansei a Sud, di li che si cjale dut il teritori.