• 25 di Avrîl, 2016

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

Il grup di MTB Friuli al à decidût di fâ un zîr che al ves lis dôs peraulis dal non dal sît: MTB e Friûl.

Il zîr La Acuile dal Friûl al è stât fat par chist: il zîr al passe pe plane e lis culinis, cun rivis sù e jù, cuasi dut su stradis blancjis, bielis e mancul bielis, piste pes bicis, tocs su trois e vâts - un miscliçot just pe mountain bike.
La forme dal percors e je dificile di capî fasint il zîr, ma e à di sedi viodude su la cjarte: li a devente La Acuile dal Friûl, bandiere de nestre Patrie. Difat, il Principât storic furlan - ca o cognossìn come Patrie dal Friûl - al jere sot dal Patriarcjât di Aquilee dal 1077 al 1420, e la bandiere a jere propite la acuile.

Scolte: ce cal è scrit dopo a nol vâ simpri ben, dipent dal timp e di ce ca nô a vin cjatât! Prime di partî, tel cjalât il meteo!

DESCRIZION

Il zîr a nol à un puest che si preferìs par partî, il grup di MTB Friuli al à sielt Mortean. Chist al fâs rivâ a lis culinis di Buri e Rosacis ben scjaldâts.

Dut il percors, lunc 216 km, al incrose e al fâs tocs di altris zîrs in bici te Regjon.
Tancj di chescj zîrs a son di MTBfriuli: Cjampei - Val, Remanzâs - Pas di Tanamee - Val Vençonase, Samardencje - Bicinins, Codroip - Riul dal Cuâr, Bertiûl - Flambri - Risultivis, Puçui - Percors Vite, Cjasteons - Ariis - Torse, Mortean - Biotop, Martignà - Culinis, Percût - La badie di Rosacis - Buri, Basilian - Ruvigne - Martignà, Paulêt - San Denêl - Panoramiche.
In plui, un toc dal zîr in culine al è in comun cun la seconde zornade dal ConTOUR FVG. Tal stès mût al secont dì, li des risultivis, si fâs un toc compagn a la novesime e ultine zornade dal ConTOUR FVG.

E no dome, fasint il zîr La Acuile dal Friûl si fasin dai chilometris dilunc dai percors de "Rete delle Ciclovie di Interesse Regionale" (ReCIR) de Regjon. Chei zîrs a chi a son une rêt di percors a livel regjonâl, lant fûr dai confins.
I zîrs in comun cun che pagjine a chi a son: "FVG 1 - Ciclovia Alpe Adria", "FVG 3 - Ciclovia pedemontana e del Collio", "FVG 4 - Ciclovia della pianura e del Natisone" e "FVG 5 - Ciclovia dell'Isonzo".

La lungjece dal zîr a no je di pôc, ancje stant simpri ator di Udin; la Acuile dal Friûl a passe par ben 34 comuns de Provincie: Mortean, Puçui, Bicinins, Gonârs, Sante Marie la Lungje, Trivignan, Pavie, Udin, Manzan, Buri, Pradaman, Premariâs, San Zuan, Cuar di Rosacis, Muimans, Cividât, Torean, Faedis, Atimis, Paulêt, Remanzâs, Tavagnà, Reane, Pagnà, Morus, Martignà, Feagne, Pasian di Prât, Cjampfuàrmit, Basilian, Merêt di Tombe, Codroip, Listize, Bertiûl e Talmassons.

Il zîr al è lunc in dut 216 km: 108 a son su strade blancje, la percentuâl dal 51%. Su asfalt a son 102 km, il 47%. Un toc di no smenteâ a son i 8 km dilunc trois o piste pes bicis.
Dividint il dut in doi dîs a deventin 118 km il prin dì - 51 km (43%) su strade blancje, 63 km (54%) su asfaltât e 4 km su troi e piste - e 98 km te seconde zornade - 57 km (58%) su strade blancje, 37 km (38%) su asfaltât e 4 km su piste pas bicis.
Come cal è za scrit parsore, cuasi dut il zîr al è te plane, cun cualchi toc di rive sù tes culinis di Buri, Rosacis e Martignà, plui i monts dongje di Faedis. Chist al vuel dî une salide in dut di 1050 m, che distès a son dilunc fûr tantis piçulis salidutis sui 216 km. Par dîle dute, la prime zornade e à un D+ di 760 m e un D- di 680 m; D+ = 290 m e D- = 370 m te seconde.

PRIME ZORNADE

Ma a nol è dut ca!
Pal fat che il zîr al è lunc si rive a passâ par tancj biei puescj pe nature e pe storie.
Il puest sielt dal grup MTB Friuli par tacâ al è il paîs di Mortean: di chi si rive, dividint dut in doi dîs, a lis culinis ben scjaldâts.
Il prin puest dulà che si passe a son i cjamps te plane, passant bande Mortean, Trivignan, Percût e Pavie di Udin. Par solit di chês bandis si viodin cjamps di vuardi, forment, blave e soie, cusì lis stradis a son ben tignûdis par vie dai tratôrs ca passin. Par solit, dilunc i fossai a son arbui, ca coventin di Istât par fâ ombrene.
Lant indenant si va su pe plane dal mieç dal Friûl, svoltant e rivant ae Tor. Come par dut il Friûl, i flumps e i riui a son tignûts ben, cence metî man: lant vie si passe pai cjamps, pai boscs e po si rive ae grave dal riul. Tai puescj li che si travierse lis stradelis a son buinis e si rive a fâlis in bici o a pît. Lant sù pe roste dal riul si rive ai prâts di Manzan, plens di vignâi.
Si passe alore dongje di Buri: la tiere dal vin, li che si cjatin cantinis e la so biele sagre. Ma no dome: a Buri e je la sô culine, tal mieç de plane. Par chist lant sù si vierz la viste su la provincie: de plane li che si è apene pasâts, lis culinis li che si larà, i puescj daûr di Udin, li che si va il second dì. De culine, lant jù, si passe pai vignâi, in bande di un lâc e si torne daspò a lâ sù. Di rive jù bande Nord-Ovest, bande la nestre plane e lis Alps Cjargnelis; si rive di gnûf ai cjamps e, su stradelis blancjis e asfaltadis, la Tor. Cheste a ven treviarsâde dôs voltis, lant sù bande Nord e passant par Pradaman.
E tache alore la rive jù bande Sud-Est, prime vie pai cjamps e po parsore di Buri, passant ancje pal puint di Orsarie parsore dal Nadison - che chei ca van in bici us al visin. Si rive alore a lis culinis di Rosacis. Un toc impuartant da La Acuile dal Friûl: vie pes culinis a son tocs su stradelis cun bielis rivis par sù e par jù, tocs su stradelis dilunc dai vignâi e tocs su trois. Un puest li cal è di fermâsi al je la Badie di Rosacis, li che si viôt su la plane di Udin e di Gurize.
Par un troi si rive a Navuacs, li si torne a lâ sù pai vignâi: si alçisi, slargjant la viodude ai monts di Cividât e lis Juliis. Fra Diplis e Premariâs si torne a pasâ parsore dal Nadison, lant vie cumò viers Nord. Si passe daspò par fûr de citât storiche Unesco di Cividât, rivant ai cjamps di Torean e Cjampei.
Cumò si passe al asfaltât, prime cu lis rivis sù viers Faedis e po viers Reane. A un cert pont si sculine tai vignâi, tal comun di Paulêt. Apene che si tache a viodi la plane si svolte a man drete, lant sù pai vignâi e po un piçul toc su troi. A rive alore la rive jù su strade cimentade ca puarte ae strade asfaltade viar Magredis-Ravose. Il viodi lis Juliis ca spontin su la plane a nol fâs pensâ ae strade di fâ, la stradele blancje ca puarte di gnûf ae Tor.
Cumò si va ju bande Remanzâs, bande la citât. In pôcs minûts dilunc la strade par Cividât si jentre a Udin e il so centri. Prime la Place Prin di Mai, po la Vie Manin e tal ultin ancjemò la Place de Libertât: la part vecje e storiche di Udin, cun palaçs dai venezians dut ator dal cjistiel di Udin, in cime ae montagnute.

SECONDE ZORNADE

La seconde zornade a tache tal centri di Udin; lant vie pal centri storic, sierât a lis machinis, e par la piste pes bicis si jès di Udin intun lamp.
Lant vie dilunc fûr la ferade vie pai cjamps su stradelis si movîsi viers Nord, tornant a viodi dutis lis Alpis de Regjon. Lant vie pai cjamps si rive a Ribis e daspò, su asfaltât, a Tavagnà.
Tornant a tacâ lis rivis sù e jù e lis cjaladis ai puescj storics, da la Ete di Mieç al Votcent, cun vilis e muris parsore lis culinis. Biel il paîs di Sante Margarite, ca lu si passe par Nord. Si salte fûr po ae place di Martignà, passant in bande ae glesie grande e lant ancjemò indenant, rivant ae strade blancje. Si torne a lâ bande Sud-Est, lant vie par Nearêt di Prât, e rivant al asfaltât di Pasian di Prât.
Passade la so place, si va indenant cjapant la piste pes bicis fin a Bresse, li ca tache une rie di tocs su stradelis. Passât Varian si svolte bande Nord, viodint sei lis Juliis che lis Cjargnelis. Tal paîs di Plasèncis si torne in jù, passant prime par Merêt di Tombe, po Pantianìns e Bean. Cusì, dai vignâi dai monts si è passâts ae citât, ae planure alte e po ae zone de bonifiche, li ca son stradelis largjis e dretis par tancj chilometris.
Pe seconde volte si treviarse la Pontebane rivant al Aeropuart Militât di Rivolt, cjase des amadis Frecis Tricolôr. Si va vie in bande la rêt dilunc stradelis di cjamp, li che si viôt par ben la piste: di sigûr i sgrisui cuant ca cjapin il svol, cal sucêt dispès te Viarte, il toc dal an conseât.
Di Gnespolêt si va indenant fin ae fin par stradelis. Plui si va a Sud, plui si rive a lis risultivis, che si viodin da lis stradis plui adalt rispiet ai canai in bande. Fûr Flambri si passe par stradis largjis e stretis, passant a flanc de cjasis fatis ai timps de bonifiche e dilunc riui di aghe des risultivis, che si visin di tant netis ca son.
Al tache alore il tornâ sù bande Nord, rivant dongje e daspò dilunc fûr il Cormôr. Si viôt cemût cal cambie il teren, cal passe de grave de strade cun in bande i cjamps cu le tiere scure, a une tiere plui compagne ma dispès cul pantan. Une rie drete, ca passe par Listize, e puarte des risultivis a lis culinutis di Puçui. I Cjastilîrs a disin che si è rivâts al paîs. Une rive jù a puarte ae place di Puçui, in curt si rive ae strade blancje bande Mortean, fin dal zîr La Acuile dal Friûl.

MTB Friuli al dîs grasie al Nout, al Pupo e a Alessio che àn fat il zîr cun noaltris.

Un ricuart dal teremot dal 1976.

La Acuile dal Friûl daspò 40 agns.

L aAcuile in bici.

Il percors dal zîr e la Acuile dal Friûl.

Une vecje cjarte de Patrie dal Friûl.

Il zîr al passe par dut il centri dal Friûl.

I cjamps apene fûr Mortean.

Tantis stradelis largjis e bielis.

Un voli a lis Alps, il grup dal Cjanine.

Un biel panorame soredut te Viarte e tal Autun.

Lant sù bande Nord, dongje Percût.

Passât di pôc il borc di Clauian, un dai paîs plui biei d'Italie.

La prime volte che si passe te Tor dongje Pavie di Udin.

Il vât al è par solit ben tignût e sut.

De culine di Buri.

Une cjalade su la plane dal Friûl.

Tal Cuei.

Dispès si viodin plui che ben i vignâi, i monts e lis Alps.

Bande la Badie di Rosacis.

Puescj cun tancj biei lûcs storics ator pes culinis.

La Badie di Rosacis.

Il dentri, che si pues jentrâ, al merete di sedi viodût.

Di rive jù de Badie a Navuacs.

Un toc in comun cu la seconde zornade dal ConTOUR FVG.

La Roche Bernarde.

Parsore la culine, une viste di dutis lis bandis.

Vignâi dongje Faedis.

Toc di rive sù su strade blancje, trois e daspò di rive jù sul ciment.

Place de Libertât e Cjistiel di Udin.

Fin de prime zornade.

Lant fûr di Udin.

Si torne tai cjamps.

Rivant a lis culinis.

Li a son tancj lûcs come glesiis, vilis e cjistiei dai secui pasâts.

Disegn su la puarte di une cjase.

Bande Breça, frazion di Moruç.

Di gnûf vignâi.

Chest colp a Nord dal paîs di Sante Margarite.

Tornant ai cjamps, te plane.

Foto dongje di Nearêt di Prât.

I cjamps de bonifiche.

Stradis dretis e lungjis dongje Merêt di Tombe.

La piste di Rivolt.

Cjase des Frecis Tricolôr.

Tornant a li che si à tacât, dongje Talmassons.

Puest des risultivis, cun tantis bestis come i airons, che si viodin cence fastidis.

Il grup dal Mont di Cjaval parsore Davian, Pordenon.

Il Bosc dal Cansei, cal è a Sud dai monts, al ven treviarsât te ottave zornade dal ConTOUR FVG.

Sui Cjastilîrs a Puçui.

Tiere diferente di altris puescj e che si viôt tal zîr: Puçui - Percors Vite.