• 6 di Fevrâr, 2016

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

La Alte Val de Tor si la vise pal canalon de Tor, dilunc la strade di li che si viôt dut. In plui lis Prealpis Juliis si jevin dretis su la plane dal Friûl. Dal zîr Ciserîs - Flaipan si viôt, in pôcs chilometris, tantis voltis la nestre planure e cence lâ sù di tant, ancje se il prin toc al mene.
Chest colp si torne int un puest li che si è pasâts altris voltis: pôc parsore di Tarcint-Ciserîs a son i doi zîrs di Magnan, Magnan - Mont di Faeit e Magnan - Mont di Faeit - Troi; al Mont di Cuarnan, cal sta disore dal toc tal mieç dal zîr di cheste pagjine, che si rive adalt cul zîr Glemone - Malghe Cuarnan - Siele Foredôr. Invezit a Sud-Est al è il zîr Nimis - Montdiprât, in plui te Val da la Tor si passe int une variant dal zîr Riui Blancs - Casere Ungarine - Vençonase. E no dome, ancje il zîr su asfaltât Paulêt - San Denêl - Panoramiche al passe par Samardencje, invezit la strade de Alte Val da la Tor a ven fate te prime zornade dal zîr Remanzâs - Pas di Tanamee - Vençonase e te tiarçe zornade dal ConTOUR FVG.

Di Ciserîs si tache lant jù e rivant al paîs di Zomeais, di li al è 1 km in plan, bon par scjaldâsi par ce cal rivarà.
Subit si passe il puint sul Riul Zimor, di li a tache la rive sù par Samardencje. Int un chilometri e mieç si va sù di 200 m, cu la rive sù al 18%: plui e mancul un tiarç de salide di dut al dì a sta tal prin toc.
La rive sù e va indenant passant il paîs fin a rivâ a viodi dute la nestre planure. Li si svolte a man drete, lant sù par une strade in ciment. Subit si passe ae strade blancje. Al tire sù a mieze pendence fin ae bande Est dal Mont Campeòn, li al splane e si viôt la Val da la Tor, la cjadene des Musis e il Mont di Cren. Daspò, svoltant a man drete, la rive jù ca fâs rivâ al asfalt, la strade di Montenars a Flaipan. Di gnûf a man drete e di gnûf di rive jù. Te bande Sud-Est dal Mont di Cuarnan si passe par dai paîs, il plui grant al è Flaipan. Lant indenant, ae fin dal toc dret di rive sù, si svolte a man çampe tornant ae strade blancje e passant a Nord dal Mont di Stube.

Si va jù pe strade blancje, rivant prime al Mont di Oussa e daspò lant jù fin insom fin a Vedronçe. La rive jù e je juste par cori, toc drets e volts secs; pendence medie e medie-alte bande la fin.
Ae fin de rive jù si travierse un vât dal Riul Vedronçe, passant al asfaltât. Dal puint su la Tor si passe ae statâl ca ti fâs rivâ al pont di li che si veve tacât. Une piçule rive sù fin ae beorcje de strade viers Vilegnove e po di rive jù dilunc il canalon da la Tor fin a Ciserîs.

Il zîr Ciserîs - Flaipan di che pagjine chi al va ben par tancj mês dal an: a no si rive masse adalt (max 680 m), su asfaltât e strade blancje al 50 e 50, une salide in dut no masse fuarte - se no altri rispeit a altris zîrs li ator.
Zîr lunc 21 km e cun 650 m di rive sù.

Grasie a Andrea, Fabrizio e al grup MTBfriuli pe partecipazion.

I doi tocs di rive jù dal Mont Stube bande Vedronçe te Alte Val da la Tor.

Rive sù viers Samardencje.

Lant sù al 18%, in 1.5 km si fâs un tiarç di dute la salide.

Lant fûr di Samardencje.

A drete l'atac dal prin toc su stradele.

Panorama su la plane dal Friûl.

Lant sù bande il Mont di Campeòn.

Pendence medie, di mancul dal toc prime.

Tal toc adalt la pendence si sbasse.

Daspò al è un traviers bande Nord.

Pont di panorame li che si viodin lis Musis.

Li al passe il zîr Remanzâs - Pas di Tanamee - Vençonase e po la tiarçe zornade dal ConTOUR FVG.

Di rive jù dal Mont di Campeòn al Mont dai Chiastellîrs e po al asfaltât fra i paîs di Montenars e Flaipan.

Toc curt ma cun biei tocs li che si côr.

Passât Flaipan, rivant al Mont di Stube.

A çampe la strade blancje di rive jù ca rive a Vedronçe.

Il paîs di Vedronçe te Alte Val da la Tor.

Viodude su la Tor e lis Musis.

Toc bande li che si à tacât, tal paîs di Ciserîs.

A flanc dal canalon da la Tor.