• 5 di Otubar, 2014

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

Culine e je cognossude pe montagnis che stan ator, partint di chês plui dongje al Rifugjo Marinelli: il Cogliàns, la Crete di Cjanevate, lis Cretis di Culine e di Culinute a Est, a Ovest invezit a son lis cimis dal Volaie: il Cjamplâc, il Canâl, il Sasso Nero e il Volaie. Dute la fature fate a no à plui sens lant sù.

In curt:
- Bielisin panoramis;
- Di rive sù par stradis ben tignudis;
- Tocs di rive jù li ca covente la tecniche...
- ...e tocs li ca coventin i frenos, che li si côr pardabon.

Il zîr pal navigatôr al tache su la strade pe machinis, un pôc prime dal Rifogjo Tolazzi, parsore di Culine. Si tache subit di rive sù, la stesse strade ca siare il zîr. In cûrt si rive ae strade blancje, ca tire sù ma simpri compagn e no masse tant; distès, tal prin toc a son 800m di salide.
Rivâts al Marinelli si puedin fâ tantis stradis, semplicis o dificilis. Chist colp al è stât sielt il troi dal Marinelli al Tolazzi, par tajâle curte invezit che tornâ a fâ la strade de salide. Il troi al à tocs dificii e tocs li che si côr, biel par gjoldise.
Si torne su la strade par Culine, li che si à tacât il zîr, svoltant chist colp a man çiampe une volte passât il camping. Une piçule discese e po dopo di rive sù ma, vô a lu savês, finide la salide e tache la discese... La rive jù a scomence su di un troi a drete subit dopo l'atac di un toc in ciment, pôc segnât ma ben tignût.
Il troi al samee fat di pueste par cori. Il font al è su tiere, claps e pieris; une rive jù li che si côr e si rive a frenâ.
Finît, si torne a lâ sù fin a Culine e po dopo al Tolazzi, l'atac dal zîr.

Il zîr al è lunc 22km cun 1600m di rive sù, dividûts in tocs, no ducj di file.
Il moment miôr al è l'Autun: chei tocs a chi a son plens vie pa la Istât, miôr lâ cuant che je pocje int ator e sui trois (ancje parcè che i trois a son fats pe int!, ndr).

Panorame vie pe salide.

Tal mieç il Lastron dal Lâc, cal è a Ovest dal Cogliàns.

La strade fra il Tolazzi e il Marinelli.

Ben tignude, un biel toc al è tal bosc.

A miege salide si passe in bande ae Casere Morarêt.

Si po fermâsi, come al Rif. Marinelli, par mangjâ.

Su pal Rifugjo Marinelli.

La viodude sul Morarêt e il grup dal Volaie.

Strade ben tignude.

Nissun toc in plane, pendence simpri compagne, cence tocs cun masse salide.

Dal Rifugjo Marinelli.

Su la drete la strade de salide, tal mieç il troi de discese segnât tal percors pal navigatôr.

Rifugjo Marinelli.

La salide pal Mont Bioichia, che prime de cime a tache la discese sul troi.

Toc in salide cul font in piere tal mieç di vecjos pins.

L'atac dal troi CAI 151, discese ca puarte a Gjiviane.

Al è dificil di viodi, al è su la drete de strade, al atac dal toc di strade cimentade.