• 02 di Jugn, 2015

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

Il zîr di cheste pagjine al è dongje dal grup dai Jôfs, une rie di montagnis cu lis cimis ca spontin parsore di chês altris e plui di ducj il Jôf di Montâs cui siei 2753m.
Si tache dal paîs di Dogne, cjapant subit la piste pes bicis Alpe Adrie par lâ a Perteade. Si passe parsore da la Fele e si tache la salide, prime su asfalt e po su strade blancje. Si va sù tant, si traviersin ducj i boscs par rivâ fûr tai prâts des malghis. A chel pont il panorame al pae dute la fature fate, di tant ca vin decidût di dividi il zîr in doi dîs par podê gjoldi il lâ sù dal soreli de matine, il soreli cal salte fûr dai Jôfs. Dopo a tache la discese su strade blancje, prime cuntun traviers e po une rie di voltis che, di sigûr, i frenos a no 'nt smentearàn. Si rive insom al asfaltât, cal puarte a Dogne, li che si à tacât il zîr.
Il percors in sumis dentri al à di dut, al è dificil ma si rive a fâlu, al và ben d'Istât e in Autun: co si rive adalt e al pues sedi di cjatâ nêf e di no rivâ a fâ il zîr.

CE ROBIS PUARTÂ

Dilunc la strade e li che si fermisi cu la tende o vin cjatât lens e aghe ma, di sigûr, a son dôs robis ca no son dut al an. La aghe di riul si la cjate fin ae Siele di Bielighe. Dute la robe di puartâ e je te pagjine: Imprescj - Ce isal di puartâ?

Lis cjasis che si cjatin dilunc il percors (Ricovar Jeluz, Malghe di San Leopolt, Casere di Bielighe) a son privadis o ruvinis: a no si puedin doprâ par durmî.

ZORNADE 1: LANT

Si tache de place di Dogne, su asfalt par cualchi centenâr di metris. In curt si rive dongje de piste pes bicis Alpe Adrie e al toc plui dûr di dut il zîr: la rampe par lâ su ae ciclabil, cu la salide dal 27%. Di bon ca son 50 metris di lungjece in dut.
Su la ciclabil si svolte a man çampe, di rive sù lant a Perteade, bande Nord viers la Austrie. Agns indaûr, la piste a jere une ferade, si che la rive sù a va sù planc e simpri compagne; a son des galariis e un bielissin puint.

A un cert pont si lasse la ciclabil, un centenâr di metris sù la statâl e po di gnûf a ciampe sul puint su la Fele, chel che àn fat daspò la plene dal 2006. Passât il puint ancjemò a çampe, cui ultins metris in plan di dut il zîr; subit si svolte a man drete e a tache la rive sù pal Mont di Agâr. La rive sù e je cidine, cuasi dute compagne, su asfalt fin ae Malghe Poccet.
Cumò a tache la strade blancje, ben tignude e cu la stesse rive sù dal toc prime. Si rive cusì al pont plui adalt dal zîr, dongje dal Mont di Agâr, a 1690m. Li che si veve tacât si jere a 400m.

Di chi indenant al è dut di rive jù.
A son plui di un puest dulà podê fermâsi pe gnot; chescj a son la siele dongje dal Mont di Agâr, la Malghe di San Leopolt e la Siele di Bielighe. Cheste al è il puest dulà che si fo fermât il grup di MTB Friuli. I ultins doi puescj a son chei cul panorame miôr la matine.

La rive sù e je di 18 km, dal paîs di Dogne ae Siele dal Mont di Agâr, cuntune salide di 1300m.

ZORNADE 2: TORNANT

La seconde zornade e à dome strade di rive jù, gjavant piçui tocs di traviers o salidutis dongje dai pas. Il toc plui biel a son i tornants su la stradele da la Siele Bielighe al paîs di Chiout: la rive e je une de plui fuartis di chei puescj lì, il font de strade al è in ciment o asfalt.
L'ultin toc par tornâ a li che si ve tacât al è sul asfaltât de Val di Dogne, biel fasintlu in bici.

In dut, il zîr al è lunc 32 km cun 1350 m di rive sù.

La rive sù par cjapâ la piste ciclabil Alpe Adrie.

La piste pes bicis Alpe Adrie.

Salide cidine e simpri compagne cun ator lis Alps Juliis.

La galarie su la strade pe Malghe Poccet.

Dentri a no 'nd è lûs, stait atents.

In bande a la Malghe Poccet.

Subit a tache la strade blancje.

I ultins tornants prime de Siele dal Mont di Agâr.

La Malghe di San Leopolt cjalade di adalt.

Daûr il Jôf di Montâs.

Il campegjo ae Siele di Bielighe.

Daûr il Mont di Cimon.

A cenin adore ancje i cerfs.

Il Jôf di Montâs.

Il toc cal tire di plui (di rive jù) di dut il zîr.