• 26 di Dicembar, 2014

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

I monts ator For disore a son il cjanton a Est des Dolomotis: lis valadis si slargjin, la alteçe dai pics a cres, cambie il model de piere e il font dai trois. Chest si viôt lant sù al Rifugjo Pacherini, rivant dongje de Cime di Suola, Pramajôr, Val de Vuere, dal Mus e il Torrione Comici. Chei monts chi si viodin ancje jessint di chê altre bande de valade, fasint i zîrs Malghe Tartoi, Malghe Tragonia e lis dôs adun: For disore - Malghe Tartoi - Malghe Tragonia.
Atent! Il zîr al è su un troi che, di Istât, si cjatin turiscj e int che e cjamine - la int parcui che a son stâts fats i trois. Al è miôr fâ il zîr d'Autun o di Invier, cul biel timp.

Il zîr di cheste pagjine al è te Val di Suola, tacant a For disore e rivant al Rifugjo Flaiban Pacherini. La rive sù e tache su asfalt, sierât a lis machinis. Si va sù po su troi/mulatiere, fin insomp. Tal toc asfaltât no son fastidis: un miscliç di rive sù - plan - rive jù, cuntune rampe juste al atac de mulatiere.
Il troi invezit al à tantis dificoltâts: il font al è in glerein, cualchi toc compat, altris tocs ruvinâts. Tocs de mulatiere e an une pendence vonde alte, a son dai traviers in len pe ploe - intop par chei in bici. Fâ il zîr d'Autun al è ancjemò plui dificil par vie des fueis ca son partiere. Di stès, al è miôr d'Autun che di Istât co e je masse int.
Il toc miôr al è chel a mieç de rive sù, il troi al travierse un gravar: si pues cjatâ un fond in glerie dulà che si sbrisse. Inmò, il toc abas de mulatiere al è in glerein; lant sù a son ancje pieris si scjampâ par no fermâsi.

In fin dai fats, si rive a fâ cuasi dute la rive sù in mountain bike, dome cualchi piçul toc di fâ a pît. La rive sù e je dute su mulatiere; jê e no je sul percors pal navigatôr, ma no si pues falâ, al è dome un troi pal Pacherini.

Rivâts al Rifugjo Pacherini a tache la rive jù - che invezit e je tal percors pal navigatôr - che al fâs la mulatiere fate prime, plui dai tocs che a tain. No son grandis dificoltâts, di stès al è di stâ atents ai impiçs (claps, traviers, font bagnât,...). Miôr dorpâ lis protesions.

Il zîr al è lunc 11 km cun 700 m di rive sù. Conseât fâlu d'Autun.

Di rive jù dal Pacherini ae strade asfaltade.

Pecjât che la GoPro a ponte in jù.

Il prin toc, su asfalt.

Sierât a lis machinis, a nol mene sù.

Toc su la mulatiere, di viodi la pendence a drete te foto.

Come ca vin dit, tal toc abas il font al è in glerie.

Toc piçul cun font in piere.

Si cjate lant fûr dal bosc, cuntun biel panorame.

Fûr dal bosc, il font al pues jessi di chei che si sbrisse.

Otime viste, tal mieç la Cime di Val de Vuere, a çampe il Pas dal Mus e il Torrione Comici.

Panorame su For disore, di li che si à tacât.

Il toc adalt de mulatiere.

Il font al à glerie gruesse e claps.

Ae fin, la nêf.

Miôr lâ intune zornade frede, cuant che si rive a pedalâ su la nêf çence lâ jù.

Tal mieç il Pic dal Mus, il Pas dal Mus a çampe, a drete il troi pe Forcje dal Infiêr.

No si rive in bici, ma conseâs pes cjaminadis.

Il Rifugjo Flaiban Pacherini.

Come dite te foto 7, e je miôr une zornade frede.

Ancje se e je glace, la nêf a fâs un strât dulà che no si sbrisse.