• 20 di Lui, 2013

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

Bande For disore a son tancj zîr, cuasi ducj su strade blancje e ogni tant cun cualchi toc su troi, par tajâ. La valade e je grande e largje, come tes Dolomitis, ma lis stradis a son des nestris... ca tirin sù tant, soredut dongje il font de valade. A no si scjampe.

Il zîr al tache tal centri di For disore. Dongje dal parc e je la strade ca puarte sù a lis malghis Tartoi e Tragonie. Tal prin toc la strade je asfaltade, ma cun ce che tire sù no si pues lamentâsi.

La strade a tire sù, soredut tal prin toc; daspò a mole un tic. Lant sù la strade da asfaltade a passe a strade blancje. Lis robis a gambiin a li di dôs cjasis, dongje dal vât: di chi al è dut su strade blancje e a no tire sù masse. Si va su drets fin ae beorcje (cuarte foto).

Malghe Tartoi: ae beorcje si svolte a man çampe e si va indenant su chê strade li che, fin ae malghe, e je cuiete e no 'nd à fastidis, ni di tecniche, ni di flât. Rivâts ae malghe si gjolt un biel panorame. La rive jù e je dute dilunc strade blancje, chê fate di rive sù. Un voli ae stangje!

Malghe Tragonie: ae beorcje si svolte a man drete; la rive e je cujete e in plui e mancul 3 km si rive in malghe Tragonie. A son tancj mûts par fâ la rive jù: chel plui sempliç al è chel di tornâ a fâ la discese su la strade fate di rive sù. Un voli ae stangje! A son ancje doi trois, un cal tache dongje de malghe e al salte fûr li dal vât, ca vin dit prime. Chel altri al tache a mieze rive jù (fra malghe Tragonie e la beorcje) e al rive dongje de malghe Tartoi; i nons a son par ordin 208 e 211. Ducj i doi a son dificii. L'ultin zîr al è chel metût sul zîr pal navigatôr, che de Tragonie al va jù fin a For disore; disot a son lis fotos.

T & T: Tartoi & Tragonie, il zîr cal è pal navigatôr, cal va su prime ae malghe Tartoi, al torne jù ae beorcje e po al va sù ae malghe Tragonie. Cun chest a son 250m di rive sù in plui ma cence fastidis di dificoltât o salide: si pues fâlu.

Di rive jù. Le discese e je dilunc fûr il troi CAI 209: il prin toc al è in plan, al covente lâ fûr de valade de malghe e rivâ a che principâl. Il troi al à tocs li che si côr e tocs li ca son tancj crets: a no son grancj fastidis tal lâ jù ancje se al è miôr no lâ se i dîs prime al à plot.

In dut, il zîr grant (For disore - Malghe Tartoi - Malghe Tragonie) al è lunc 16km cun 1050m di rive sù.

Scolte! Tal percors pal navigatôr al mancje un toc de rive jù sul troi CAI 209. A no varessin di jessi fastidis a fâlu... al è dome chel troi...

Al atac de salide.

Sta atent ai claps a çampe ma ancje a chei a diestre, cu la nêf, soredut a Lui e Avost. La strade e à ancje cunetis alore, fra une salide e chê altre, e je une discesute, no mâl. La salide e tire sù al 30% e al plôf e cu la ploie tu a tu ti bechis ancje une biele lavade. Par salvâti a no tu varessis di fâ cheste strade, al è il diviêt; ma se tu tu vâs su a tu ti bechis tantis jeep e motos ma pocje int a pît. Par ultin, se a tu colis a tu sês freât, a no son lis sbaris; ma se a tu âs fortune, prime di te al è colât un len, che biecemai a ti ten sù. Bon zîr.

Apene tacât.

Al inizi a son des rampis ca tirin sù, scjaldâsi un tic prime di partî a nol sarès mâl.

Insom, lassù, te ombrene, daûr dai peçs...

...a je la malghe Tartoi.

Preait i sants de foto e chei difûr...

e sielzêt la sorte: a man çampe il Tartoi, a man drete il Tragonia.

Rivâts ae malghe Tartoi.

Rivant ae malghe Tragonia.

Tal jenfri e je la discese, la stangje tal mieç e une salide di 250m.

Un biel panorame: la strade de salide, il Mont dal Cridule la daûr e il prin toc de discese.

La discese, che je sul percors pal navigatôr, a no je masse tecniche ma... cun fastidis, dai tocs cun dome crets. Vuelint, si pues simpri lâ jù pe stesse strade de salide.

Su la discese dilunc il troi.

A son tocs li che si pues cori, altris tocs li ca son crets e salts; al bisugne sta atents. Te foto si viôt la sole beorcje ca je, se si va vie drets (a diestre) si reste sul troi de discese, CAI 209, cal rive jù a For disore.

Il toc miôr.

Troi larc e che si pues lâ vie svelts.

Il toc piês.

Si pues fâlu cence masse fastidis, no come altris percors sul sît, ma a covente un tic di man. Tocs come chel chi al è miôr no fâju daspò une ploie.