• 18 di Lui, 2015

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

Il zîr Frassenèt - Casere Mont dai Bûf - Mont di Volaje al è tal Grup dal Cogliàns: un puest bielissim de Cjargne. Cheste e je la ponte plui alte dal Friûl cui siei 2780 m. Il grup al è fat de Crete di Cjanevate a Est e Cjaplâc, Canâl e Clapneri che si cjatin fra il Lâc di Volaje e la cime dal Mont di Volaje, destinazion di chest zîr.
Par rivâ sul pic al è di pedalâ e cjaminâ; un toc di cjaminade cal pae cul panorame des cimis ator. Chest ca a nol è l'unic zîr li che si fasin plui robis: Cleùlis - Premôs - Lâc di Avostanis, Paluce - Cason di Lance - Crete di Aip e Paulâr - Cason di Lance - Mont di Zermule - Zuc da la Vuardie a àn tocs fats cjaminant, rimpinant e durmint in tende.

Si tache dal paîs di Frassenèt, pôc disore di Fôr Davuatri. In mountain bike si pedale dome su stradelis, che àn sistemât pôc timp fa. La strade blacje e je buine, a no tire sù masse, di solit ator il 10%. Si va indenant simpri dentri tal bosc, just pai mês conseâts par fâ il zîr: Lui e Avost. Chê chi e je une robe solite par chei puescj chi: Pierabech - Siele di Sesis, Culine - Rifugjo Marinelli - Gjiviane e Fôr Davuatri - Malghe di Tulie, plui a ce che si viôt te seste zornade dal ConTOUR FVG.
Rivâts dongje dai 1475 m si tache a viodi bande Est, cul voli sui Monts Cimon, Crete Forade, Siere, Lastrons, Peralbe e lis cimis li ator.

A la Casere Mont dai Bôfs si cambie: si lasse la mountain bike e si tache a cjaminâ. Il troi, lant vie pai prâts, al puarte bande la Cime Ombladeit. Pôc prime dal pic si sculine bande Est, tacant il travier viers la siele e dilunc il troi CAI 169, viers la Mont di Volaje. Il traviers al à rivis sù e jù, zontant plui e mancul 100 m di salide a la diference fra la altece di li che si tache e di li che si rive. Dut il troi, de Casere Mont dai Bôfs al troi CAI 176, al è bande il soreli - la altece e je di stès alte, parsore i 1700 m; tal mieç dai prâts, al è cualchi toc li che il troi al è strent.
Si rive al troi CAI 176a cal puarte al troi CAI 176, chest al cundûs in cime. Une rie di svoltis a puarte adalt par tacâ daspò il traviers su la crete, su lis ruvinis de trincee. A no si pues smenteâ la bande Nord da la mont. Si va sù sul pic, il troi al devente plui dificil ma a nol covente cuissà ce e a no son cuardis o rimpins.

La cime, a 2470 m di altece, a ti lasse une viodude a 360°. L'arc dal grup des cimis e lis sôs parêts, il Cogliàns cal sponte cul so pic; tantis lis cimis dai Taurs che si viodin, cusì come lis Dolomitis, cu lis lôr altis cimis.

Il zîr in dut al è lunc 23 km cun 1750 m di rive sù, dividûts in 14 km in bici e 9 km a pît, cui lôr 800 m e 950 m di rive sù. I mês miôr a son Lui e Avost.

Il prin toc, in lizêre rive sù, parsore Frassenèt.

La strade e je blancje dilunc fûr dut il toc in MTB.

A no son tocs ca tirin sù masse.

La medie e je ator il 10%.

Si va su in mountain bike dut dilunc il bosc.

Casere Vas.

Si passe lant sù a la Casere Mont dai Bôfs.

Viste su la val di Fôr Davuatri e Sapade.

Si viodin i Monts Cimon, Clap Grant e Siere a çampe, il Monte Chiadin a drete, i Monts Terze daûr.

Bielissin pic dal Mont di Vas, soredut cjalât di Est, tai tocs dopo dal zîr.

Il troi CAI 169, bande la Cime Ombladeit.

A nol è dificil o ripit; cualchi toc strent al travierse il rivâl.

A çampe i Monts Peralba, Avanza e Navastolt. A drete il grup dal Mont di Fleons.

Il zîr Pierabech - Siele Sesis - Malghe Fleons al passe ator chescj monts.

La rive sù bande la Cime Ombladeit.

Passant di Ovest a Est da la Cime Ombladeit.

Si viôt ce cal rive: il traviers, cui siei tocs in sù e in jù, i tornants dal troi CAI 176 sot dal Mont Clapneri.

Ruvinis su la prime trincee de Grande Vuere.

Di incjant ma ce al stès timp al met pôre.

Il traviers sul troi CAI 176 dal Mont Clapneri al Mont di Volaje.

Ben tignût.

L'ultin toc, dongje dal pic.

Il troi chi al mene sù su lis pieris, a no coventin imprescj.

Il pic dal Volaje, 2470 m.

Une vere cime, la ponte come une piramide.

L'arc cal tache dal Volaje e, passant pal Mont Clapneri, Mont Cjanâl, Mont Cjamplâc, al rive al lâc e daspò al Cogliàns e a la Crete di Cjanevate.

Une altre foto dal troi CAI 176, tal mieç fra la rive sù a la cime e il traviers in creste.