• Prin di Avost, 2015

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

Il zîr Lesis - Forcje Clautane - Talpadis di Dinosaur al è tal Canâl da le Ciline, puest stupent des Dolomitis Furlanis. Si jentre te Val di Claut e po di va sù, viodint ben lis monts ator. Altris doi zîrs a son di chês bandis chi: Val Cimoliane - Rifugjo Pordenon e Montreâl - Pala d'Alte. In plui, la ottave zornade dal ConTOUR FVG a tache di Cimolais e va jù in bande dal Ciline fin al Lâc di Barcis.

Rivâts al borc di Lesis, parsore di Claut, si lasse la machine e si tache a pedalâ. Il prin toc al è su strade che si pae (in machine), no tant di rive sù par plui e mancul 1 km, daspò si svolte a man drete su une stradele in asfalt e glerie, ca va sù a lis Caseris Pradut e Colciavas. Il fond de strade al è simpri bon, de bande Nord dal Mont Ressetum e dentri tal bosc: cuasi dut a ombrene. A tire sù avonde ma almancul e je dute compagne: sù par jù al 13% par 5 km, rivant cussì a 1370 m. Li e je la beorcje, li che si cjape a çampe bande la Casere Colciavas e la Forcje di Clautane. Un piçul toc di rive jù e po a tache dignûf la rive sù, ma che tire sù di mancul di prime, rivant a 1560 m ae siele a Sud dal Col de Tonòn, li che si tache a lâ in jù.

Il prin toc di rive jù al è su une buine stradele: si rive a cori. Si rive alore ae Forcje Clautane, li che si svolte a man çampe dilunc il troi 966, Strade dai Alpins. A part cualchi passaç strent, il rest al è bon; ancje se al è il rivâl in bande a no son grancj fastidis. Invezit al è di stâ atents ae int: come in altris zîrs, il troi al è pe int a pît, no pe mountain bike!
Dopo tantis curvis si rive al prât de Casere Casavento, dongje dal Riûl Ciol de la Gialina, li che si viôt la talpade dal dinosaur, pôcs centenârs di metris plui in la.
Si tache alore a tornâ indaûr, di rive jù al Pian de Cea: un gravâr dal riul che si travierse dilunc un vât. E tache dignûf di rive jù, cuasi dute su asfaltât, fin a li che si à lassade la machine.

Di che bandis ca e je int, par sedi plui cujets al è miôr lassâ pierdi la stagjon e i fins setemanis, soredut pal toc de Forcje di Clautane ae Casere Casavento.
In dut a son 22 km cun 950 m di rive sù.

De Siele dal Col de Tonòn ae Forcje Clautane, par po lâ jù pal troi 966, Strade dai Alpins.

Troi un tic sul ôr ma cence sedi dificil di fâ.

Prin toc, fra Lesis e la stradele di rive sù bande la Casere Colciavas.

Cjalade bande lis monts Pale de Cione e Cime Ciol de Sass.

Toc de rive sù viers la Casere Colciavas.

Toc de strade a son in glerie.

Come prime, ma su strade asfaltade.

Il prin toc di rive sù fra la beorcje e la Casere Colciavas.

A tire sù di mancul rispiet a prime.

Il prât indenant de Casere Colciavas.

Il toc dal mont li cal è il troi 966, che si fâs di rive jù.

Adalt a drete la Forcje Clautane.

Le talpade di dinosaur.

Toc dret di rive jù.

Il Ciline dongje di Lesis.