• 3-4 di Zenâr, 2014

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

Il zîr de pagjine al va ben par l'Invier, cuntun biel panorame, une strade che no si smentee e un rifugjo cal à za tantis robis. Il rifugjo al è a 1168m a Sud-Est, cuntun biel prât indenant cal va ben par durmî d'Invier e la strade ca va sù fin a 1400m.

Scolte: ce cal è scrit dopo no simpri al va ben, dipent dal timp e di ce ca vin cjatât! Prime di partî, cjale il meteo e cemût ca je la nêf.

CE ROBIS PUARTÂ

Come che si viôt tes fotos disot, il rifugjo al à un grum di robis: lens, fughere, aghe (cuant ca o jerin la fontane a fo vierte, ma o forin tal 2014, cuant ca, a Zenâr, a no jere la nêf), rifugjo viert e cun lis taulis, cjadreis, stue, doi jets e cuntune sorte di materas e doi cun dome la rêt.

Nô o vin distès puartât dut. Ce isal di puartâ? Leiêt la liste.

ZORNADE 1: LANT SÙ

A Mueç a son tancj puescj dulà parcâ. L'atac dal zîr al è su la strade principâl, ma a no son fastidis, a no son tantis machinis di chês bandis.

Dopo un pâr di chilometris si svolte a man drete e si cjape la strade ca travierse Pradis e ca va sù al rifugjo. La strade e je dute in asfalt, a mene sù avonde ma no masse. Al è cualchi toc (10 metris...) in plan, plui e mancul: al è puest par fermâsi e cjapâ flât.

Si va sù sul versant Est de Val Aupe, passant daspò al versant Ovest de Val Albe. A gambie valade e ancje la rive sù, dal 13% al 15%.

Lant sù si rive ai 1040m, in bande ae strade al è un parcament, fermade pes machinis, li cal tache il troi pal Rif. Vualt (20 min a pît). Invezit, il cartel par lâ sù al Vualt par strade al scrîf 30 minûts, a pît. Ce cal plâs di plui a chei in bici a son i doi minûts par cjapâ flât - biel par vie che si è apene lats fûr dal bosc e si viôt dute la valade - e che le rive sù a tire sù di mancul dopo sù par jù 200m dopo il parc.

In curt si rive al rifugjo. Il zîr pal navigatôr al va indenant, cuant che nô o vin fat il zîr a no jere nêf li dal rifugjo. Insom, fate dute che fature, sarà ben di rivâ ae nêf?!

Il zîr al rive fin a lis ruvinis di une vecje cjase, pôc prime ca la strade a finidi, e po al torne jù al rifugjo Vualt.

Come par ducj i zîrs di "doi dîs", o conseìn di preparâ dut prime cal vignidi scûr. Al è miôr impiâ il fûc tant prime, al sucêt ce i lens a sedin bagnâts e ca no vedin voe di cjapâ.

Un piçul zîr dongje il rifugjo al pues fâus viodi tal bosc cjavrui o cerfs, un zîr che nô us conseìn al è il troi CAI 425 che dal rifugjo al puarte ae Forcele Vualt.

ZORNADE 2: LANT JÙ

La rive jù a tache dal plaçâl dal rifugjo, fasint un prin toc suntun troi. L'unic disvantaç al è chel di traviersâ un piçul roiut; mal ca ledi, si pues tornâ jù dal rifugjo cjapant la stesse strade de salide.

Si passe po ae strade asfaltade e cun tancj tocs drets, la strade de rive sù. In pôcs minûts si rive ae siele par passâ ae Val Aupe. A chel pont si svolte a çampe, passant a une strade blancje.

La strade a mene jù, pardabon. A son tantis svoltis, viertis, e si passin doi puints in fiêr, li che si pues sbrissâ sal è bagnât. Intun lamp si rive a Mueç, li che si jere partîts la dì prime.

Chest zîr al à i siei vantaçs, come il rifugjo, e svantaçs, come la rive sù. In dut, a son 22km cun 1100m di rive sù.

L'ultin toc de rive sù.

La salide e je cuasi dute sul 14%. Di che altre bande la salide e je dute su asfalt.

Rivant al rif. Vualt.

Come che si viôt, devant al è un biel plaçâl.

Rif. Vualt.

A je une fontane (cjatade vierte) e a son lens pal fûc. Po al jere viert (Zenâr 2014) cun dentri cjadreis, taule, stue e doi jets.

La strade e va indenant passât il rifugjo.

La rive sù e je simpri chê.

Percors d'Invier, cui siei vantaçs e svantaçs.

Ancje lis bicis e àn di polsâ.

Il plaçâl dal rifugjo al à tant puest, panchinis, taulis e un biel panorame.

Panorame de sere.

Tramont, as 17.29.

Fermâsi la sere in montagne al à il so parcè.

Panorame, Mont di Chiavals.

Il rifugjo Vualt, su ce ca vin za dite, a son ancje la fughere e lis robis par cusinâ.