• 15 di Jugn, 2013

  • Dulà: mtb friuli percorsi per bici

  • Fature: mtb friuli percorsi per bici

  • Dificoltât: mtb friuli percorsi per bici

mtb friuli percorsi per bici

mtb friuli percorsi per bici

Zîr, dretis, conseis

Descrizion

La Val Saisare e je fra Valbrune e il varant Nord dal Jôf di Montâs, une valade bielisime li che si viodin dutis lis monts ator e i peçs vecjos di secui dal Bosc di Tarvîs.
Proprit par chest te valade al passe il ConTOUR FVG, cal passe per Juliis te cuarte e te cuinte zornade. Su la Mont di Acumize, denant dal Lussari, a van sù tancj zîrs: Cjamparòs - Mont di Acumize, Cjamparòs - Feinstritzer - Acumize e Val dal Bartul - Mont Ochsenstand.

Il zîr di cheste pagjine al tache di Valbrune, sul asfaltât. Chist parcè che cussì si fâs la rive jù su une altre stradele. Se si vuel fâ dut su strade blancje al è di tacâ di Valbrune bande il Montâs, lassant la machine al prin parc e zontâsi ae stesse strade de rive sù.
In plui, a son tantis stradis blancjis ca puartin al puint li cal tache il zîr (percors dal navigatôr) e a rivin a li ca tache la rive sù par il Lussari. Di fis chestis a son ruvinadis dai riui, al è tant plui sempliç fâ cualchi chilometri dilunc l'asfaltât.

Il toc miôr dal zîr e je la rive sù: 1000 m di salide in pôcs chilometris. Di bon al è cuasi dut dentri tal bosc, si pues fâlu cence fastidis ancje d'Istât. Il toc piês (come fature) a son i ultins cent metris prime de rivade: li che une volte a jere la stradele cumò e je une piste di schi di discese. Il font dut ruvinât: une fature bestie.

Rivâts al Lussari e al Santuari si polse e si gjolt il bielissim panorame, si pues mangjâ e bevi alc.

Si torne indaûr fasint la piste di prime ma di rive jù, che je dute une altre robe. Dongje di une malghe si volte a çampe, tacant a lâ jù su une strade blancje, cun gleriis e ca tire jù pardabon: biele ma dure. Te stradele e je tante int a pît: al è miôr fâ il zîr dilunc la setemane o tai dîs ca je pocje int ator. Finide le stradele si torne al asfaltât, rivant subit al parc di li che si à tacât.
Zîr lunc 20 km cun 1000 m di rive sù.

La Val Saisare de cime dal Jôf di Montâs.

Il blanc al è il riul de Val Saisare; il prât plui grant al è li ca tache la rive sù pal Lussari, ca va sù drete parsore dal prât.

A son tantis stradelis ca van vie in bande dal riul.

MTB Friuli al à sielt di passâ par chi, al samee dificil ma nol è cussì.

Il toc, biel e cuntun panorame stupent, prime de rive sù.

Il prât al è chel che si viôt te prime foto.

Rive sù viers il Lussari.

Pe strade a no son fastidis, come busis, claps o altri. Je e à dome une pendence ca mene e cence i "50 metris in plan" dulà cjapâ flât.

Come prime, la rive sù e je la stesse fin parsore.

Tantis voltis a son cimentadis.

La cime dal Mont dal Lussari.

Si viôt li che si cambie versant, a 1600 m sul mâr. Subit rivâts adalt.

Il prin panorame dal Lussari.

Il secont panorame dal Lussari.

La piste di schi di discese, di fâ in MTB - tant biele e sportive.

...chei cui sci e snowboard a no la fasin di rive sù...

La rive jù a va indenant per strade blancje.

Cheste e je ruvinade, a mene e a passe la int. Lis primis dôs robis a son divertiment, pa la tierce atenzion.