MTB Friuli ASD

Un viaç de citât austriache in montagne di Salisburc, la cjase di Mozart, ae citât taliane e marine di Grau, cognossude ancje come Isule dal Soreli o Prime Vignesie. Si vâ vie dilunc ciclabilis e stradis blancjis, durmint tai campegjos e metint adun une esperience che no si dismenteisi. Une setemane su lis dôs ruedis a scuvierzi lis bielecis dilunc l'Alpe Adria, la "Piste ciclabil dal àn" ad Amsterdam tal 2015.
Dai Hohe Tauern de Austie e dai flumps Salzach e Gastein ae Carinzie. Si traviersin Spittal an der Grau e Villach par rivâ in Italie. Indenant su la vecje ferade pal Canâl dal Fier tes Juliis e tal mieç dai salts de aghe. Alore aes citâts storichis di Vençon, Glemone, Udin, Palme e Aquilee, patrimonis dal Unesco. Si rive alore a Grau, isule tal cjanton a Nord dal Adriatic.

Cul zîr Microcosmi us presentìn une imprese sì dentri te nature salvadie, tal mieç di puescj storics e lant a durmì tant in tende che intune biele cjamare.
Il percors Microcosmo al fâs in sens antiorari l'ôr dal Friûl lant a esplorâ tancj siei ambients, unics e contâts disot. Ma nol è dome chest. Fâ chest viaç, pe grant part cence incrosâ paîs, al fâs nassi un rapuart fra chei in bici, che si slargje a cui che si cjate, che no rivi a no vê plasê: o metin dongje un microcosmi.

Dolomitis. Cjargne. Juliis.
La Traviersade de Cjargne. In Mountain Bike.
O pensi che nol coventedi zontâ alc altri par contâ la maravee dal viaç.
Ancje se nol è un zîr di pôc e al covente un bon alenament, dut al torne des bielecis ca si viodin dilunc fûr dut il percors.
Une conferme e je che chest viaç aromai al è za stât fat plui di une volte, par dî tal 2019 e tal 2022, che si cjatin achi disot.
Bon viaç!

Il ConTOUR FVG al è un zîr di no crodi: pensât par jessi fat in 9 dîs e che al fâs l'ôr de Regjon Friûl - Vignesie Julie, cun cualchi chilometri in Slovenie e tal Venit, plui lâ a ôr dal confin cu la Austrie a Sud dal Cogliàns.
I puescj là che si passe a son tancj e diviers: dal lît di savalon, al Cjars - in piere alte sul mâr, ae plane e al Cuei, ai monts. Lant sù adalt, si pedale su lis Juliis e te Cjargne: diviarsis fra di lôr ma dutis dôs bielis pai boscs e prâts che si cjatin. Si tache alore a tornâ indaûr viars l'inizi, passant pal Cjadovri, puest famôs pes Dolomitis, rivant daspò al Bosc dal Cansei e lant jù ai Magrêts dal Midune e dal Ciline. In pôs chilometris si rive a lis risultivis, lant indenant viars la lagune di Maran e rivant po a li che si veve tacât, sul mâr.
Daspò, il zîr al passe in tantis citâts e paîs, lant a viodi secui e secui di storie.