Zîr, dretis, conseis

Descrizion

Lâ ator in bici nol è dome il jessi la domenie, anzit al è il mût per esplorâ cun delicatece la nature, cjalâ cence cori i puescj storics, scomençâ gnovis aventuris cui amiis e cognossi gnove int, lant a fâ e a vivi esperiencis che no si dismenteisi.
L'an passât MTB Friuli al à fat un viaç fûr dal normâl, il Friûl Salvadi; cul zîr Microcosmi us presentìn une imprese sì dentri te nature salvadie, ma cun puescj storics e, soredut, lant a durmî a sotet. Cussì nol covente puartâ daûr dut, come tes spedizions.
Di indulà saltial fûr il non? E sa lu sin domandâts ancje pal Friûl Salvadi! Il percors Microcosmi al fâs in sens antiorari l'ôr dal Friûl lant a esplorâ tancj siei ambients, unics e contâts disot. Ma nol è dome chest. Fâ chest viaç, pe grant part cence incrosâ paîs, al fâs nassi un rapuart fra chei in bici, che si slargje a cui che si cjate, che no rivi a no vê plasê: o metin dongje un microcosmi.

Il svilup

A fin zornade si rive simpri in cualchi struture. Il stîl al cambie tant dilunc in viaç; dutis però 'nd an il stes spirit e il stes circondari.
Il podê lâ ator cence tant pês al lasse fâ buinis distancis e salidis, tignint cont di un 6 oris in siele par ogni dì, cun tantis pausis e polsis.

Disot il svilup dal zîr fat di 6 zornadis:

Zornade	Lung. L (km)	Di rive sù D+ (m)
1n dì: Cividât - Loc. La Farcadice	29	950
2t dì: Loc. La Farcadice - Alte Val dal Tôr	46	1450
3c dì: Alte Val dal Tôr - Tumiec	63	1050
4t dì: Tumiec - Spilimberg	69	800
5t dì: Spilimberg - Maran	67	100
6t dì: Maran - Cividât	73	450
In dut	346	4870

Une conte curte

La prime tape e je stade fate par mieze zornade, dal parc de stazion dai tren a Cividât si tache e si jes subit de citât. Un toc che si scjaldisi vie pai cjamps dilunc il Nadison nus puarte ai monts. Fra rivis sù e jù, stradis blancjis e 'sfaltadis, si rive a Lis Farcadicis durmint te tendis dal Agriturism Zaro.

E ve alore la zornade plui penze dal Microcosmi: tant come fature fasint plui valadis, che come dificoltât vint il toc dal Riul Blanc. Des Prealps disore Cividât si passe a Sud dal Montmaiôr par dismontâ te Val dal Tôr. Lâ si vâ sù pe statâl, cjalant il foran a flanc, rivant ai stavui cul tent in veri lì di La AleGra.

Si finìs di lâ sù al Pas di Tanamee per dismontâ a Ucee e lâ sù in Carnize. Si vâ jù tal Cjanâl di Resie jenfri tal Parc Naturâl da lis Prealpis Juliis lì che no si pues no lâ a viodi il Fontanon Barman e il Riul di Resie. Pal stîl di MTB Friuli nol pues mancjâ il rivâ insom de val pal troi. Di Resiute si pedale su la ciclabil Alpe Adrie, lant po a Mueç e la strade par Cjargne. Stradelis a fasin rivâ a Damâr e po a Tumieç. Si passe il centri de citât, la Bût par riva al B&B Le Tre Colombe, Cjanive.

O sin cumò in Cjargne passant par Vile, dilunc il Tiliment, pa lâ sù po ae Siele Cjampon. Si movisi cumò bande misdì, lant a scuvierzi l'Arzin, il sô fontanon, i salts da l'aghe, il foran e indulà che si zonte tal Tiliment. Alore o nin vie a flanc dal flump fintant che si rive tal centri storic a Spilimberc.

Dopo cuatri dîs in mont e rive le ore di polsâ un moment. La zornade no je curte ma e je par la maiôr di rive jù. Dentri tal Tiliment fin bande Codroip, si vâ indenant dilunc la roste fin doncje Tisale, lì che prime si ten la çampe par lâ a Maran. Si reste simpri fûr dai paîs, su stradelis e lant a viodi biei puescj come il Bosc di Muçane e il centri di Maran. Di chi, si duâr apene difûr intun puest cui cjavai libars a passon, il Ca' del Lovo, Cjarlins.

Te seste zornade il viaç a vâ a sierâsi in chel di Cividât. Si scomence te marine par lâ sù te basse. Passade Tor di Zuin si rive a Çarvignan; cu l'Alpe Adrie si vâ a Strassolt. Lì MTB Friuli al salude la ciclabil par passâ pal borc di Navuac e rivâ a Dael. Si vâ indenant cumò dilunc il Cammino Celeste fin dongje Cormons. Dignûf MTB Friuli al vâ par sô cont pontant al Bosco Romagno. Passât chest, vie pes stradelis si rive tal centri storic, patrimoni dal Unesco, di Cividât.

Viodìnt indulà che al è il percors, e si pues fâlu dut l'an, lassant stâ just cuant che al è masse cjalt o subit dopo grandis plotis.
Ancje se al è la variant "sempliç" dal Friûl Salvadi, il zîr Microcosmi al à nivei di fature e dificoltât no di pôc, cussì come tocs dilunc trois, in plui fasintju cu la bici cjariade.

Specifichis

• PRIME ZORNADE: Stazion dai trens, Cividât - Agriturism Zaro, Loc. Lis Farcadicis
  Lungjece 28.6 km, Dislivel 972+, 473- m (Min-Max: 135-849 m), Cjarte de Tabacco 41
  Fature , Dificoltât
  

• SECONDE ZORNADE: Agriturism Zaro, Loc. Lis Farcadicis - La AleGra, Alte Val dal Tôr
  Lungjece 45.8 km, Dislivel 1434+, 1321- m (Min-Max: 348-945 m), Cjarte de Tabacco 41, 26
  Fature , Dificoltât
  

• TIERCE ZORNADE: La AleGra, Alte Val dal Tôr - B&B Le Tre Colombe, Cjanive
  Lungjece 62.6 km, Dislivel 1049+, 1434- m (Min-Max: 287-1089 m), Cjarte de Tabacco 26, 27, 13
  Fature , Dificoltât
  

• CUARTE ZORNADE: B&B Le Tre Colombe, Cjanive - B&B Lis Rivis dal Tiliment, Spilimberg
  Lungjece 69.0 km, Dislivel 817+, 977- m (Min-Max: 127-788 m), Cjarte de Tabacco 13, 28
  Fature , Dificoltât
  

• CUINTE ZORNADE: B&B Lis Rivis dal Tiliment, Spilimberg - Agriturism Ca' di Lovo, Cjarlins
  Lungjece 67.0 km, Dislivel 121+, 240- m (Min-Max: 11-133 m), Cjarte de Tabacco /
  Fature , Dificoltât
  

• SESTE ZORNADE: Agriturism Ca' di Lovo, Cjarlins - Centri Storic, Cividât
  Lungjece 72.5 km, Dislivel 477+, 330- m (Min-Max: 0-159 m), Cjarte de Tabacco /
  Fature , Dificoltât
  

• IN DUT
  Distance: 346 km
  Cuote: da 0 m a 1089 m
  Dislivel: 4870 m+
  Fature
  Dificoltât
  

Fotos e filmâts dal zîr

Galarie