Percors e Itineraris in Friûl Vignesie Julie
Il Friûl Salvadi
MTB Friuli
Devente soci
Dal 9 al 14 di Lui dal 2020
Dulà:
Fature:
Dificoltât:
Cjarte Tabacco: /
Guide in .PDF
Parc
Zîr pal navigatôr
Finâl
Prime zornade
Percors e Itineraris in Friûl Vignesie Julie
Dal 9 al 14 di Lui dal 2020
Dulà:
Fature:
Dificoltât:
Cjarte Tabacco: /
Zîr, dretis, conseis
Capî di indulà che al è scomenzât dut al è difil, e je une idee saltade fûr cussì e metude in vore intun lamp. E sì, no i vuel cuissà cetant par disegnâ un percors di chest gjenar in Friûl, la Regjon li che la Nature e je ancjemò tal so puest, diflanc dal om.
Il zîr al è fat di sîs zornadis dilunc l'Alte Planure, lis Prealps e lis Alps Cjargnelis fin aes Alps Juliis. Si vâ vie pe maiôr su stradelis podint cjalâ ator cence vê pôre des machinis.
Di indulà nassial il non. Alc al è za stât dit te prime frase: in Friûl o vin ancjemò i ambients come che a varessin di sedi tignûts, tancj e diferents e dapardut. Cu la peraule "salvadi" nô no intindìn dome il "selvatico" dal talian, ma al è il mût di vivi, il mût di fâ. Lant vie cussì, durmint e mangjant e vivint te nature al torne fûr chest anim, i nestris sens, il cjâf si vierz e al tache a resonâ su ce che al è impuartant (pardabon).
Il spirit "salvadi" al vuel dî lâ a fâ cheste aventure lant vie in bici e tende. In chest mût e si sarès libars di prenotazions, distancis e salidis. E cussì al è come che al è nassût chest zîr; di chê altre bande, cul pês cal è, lis zornadis fatis a son plui curtis di 50km, cun salidis che e si puedin fâ e cence tocs masse dificii, simpri se al à pussibil.
Lant a cambiâ alc e si rive a fâ il zîr lant a durmî in cualchi struture.
Disot il svilup dal percors in 6 zornadis:
| Zornade | Lungjece L (km) | Di rive sù D+ (m) |
|---|---|---|
| 1e Zornade: Salt – Ruvigne | 46 |
600 |
| 2e Zornade: Ruvigne – Cjanâl di San Francesc | 37 |
750 |
| 3e Zornade: Siele di Cjampon - Cjanâl di Resie | 46 |
300 |
| 4e Zornade: Val di Resia - Val di Dogne - Val Saisare | 37 |
1200 |
| 5e Zornade: Val Saisare - Cjanâl di Riul Frêt | 14 |
650 |
| 6e Zornade: Cjanâl di Riul Frêt - Lâcs di Fusinis - Tarvis | 33 |
450 |
| In dut | 213 |
3900 |
E si scomence apene fûr di Udin a lì dal Parc de Tôr a Salt. Si passe il flum par lâ vie po sul so arzin. Passant Reane si rive su la ciclabil dal Alpe Adrie e a Tresesin, lì che no si jentre ma si passe as stradis di cjamp. Dilunc stradelis si viodin di abas lis bielissimis citadelis di Cjassà e Colorêt e i lôr cjistiei. Vie pai cjamps no si capìs indulà che e si è fintremai a San Denêl e po al Lâc di Ruvigne. Si è alore a la mont cul stes non, che si passe ator prime per là sù dopo de bande di San Pieri. Si rive al pont panoramic sul Tiliment, Glemone e la pedemontane.
Si ven jù de culine, si passe il nestri flum par lâ a frontâ la val dal Arzin. Jentrâts e fats i tornants di Anduins e si jentre ta la vere valade dilunc la strade di indulà che si cjale di adalt il riul disot. Passâts i puints sui forans e rivâts insom a la stradele, dal paîs di Cjanâl al scomence il toc su la statâl di li che si viôt il Verzegnis, il riferiment par dut il zîr. Svoltant su stradele si torne dignûf dilunc il flum rivant ai Salts di Aghe dal Arzin. Subit dopo si rive ae Siele di Cjampon e ae maraveose font dal riul.
Dal Cjampon di dismonte jù a pît de val, jentrant in Cjargne. Difûr Preon un vât al fâs tornâ a passâ il Tiliment, rivant po al Degan e travierant Vile. Une biele ciclabil e fâs rivâ ae svelte a Tumiec, passant pal centri par lâ de bande des Juliis. Simpri stant difûr di stradis grandis si rive al Alpe Adrie che e puarte a Resiute. Li si jess per jentrâ in Val di Resie lant ae aree di Povici Disore.
Se îr si à polsât, la cuarte zornade e torne a cjapâ dut ce che a si veve metût in bande. Ancje se si scomence cuiets dilunc l'Alpe Adrie cul so toc plui biel cun puints, galariis e salts di aghe, rivâts a Dogne e si lasse la ciclabil pa tacâ a lâ sù pe Val di Dogne. Une strade in asfalt comude, che a no tire sù tant, cence straps e che e je il sfuarç de zornade, fature paiade dai voi sul grup dai Jôfs. De Siele di Sompdogne si travierse passant par fûr dal Rifugjo Grego par po lâ jù in Val Saisare. Insom de dissese su troi si vâ indenant su lis olmis di une bariglarie su la glerie dal riul di Saisare rivant da pît dal Jôf Fuart.
La tape plui curte di dut il viaç, ma no la plui semplice. Lant jù viers il font de val fra boscs e tocs su grave e si zontisi ae strade pal Rifugjo Pellarini. Cuiete al inizi, la strade blancje 'nd à des rampis che e fasin cjapâ subit cuote rivant ae beorcje, lì che e si svolte de bande de Siele di Prasnig. E finissin i tornants ma no la fature, o ben. Tocs veramenti che e tirin sù e fasin rivâ ae creste lì che la salide alc e mole. Lis ultimis curvis par po lâ jù te Val dal Riul Frêt. Un arc di parêts des Juliis al gjave la cjalade intant che si vâ jù e par dute la sere.
La sierade e no pues sedi di mancul viodint ce che al è stât fat fin cumò. Si rive insom de Val dal Riul Frêt per lâ vie su la statâl disore dal Riul Slize, butant in miôr la cjalade lant in jù, soredut sul puint adalt a Tarvis. Di li la ciclabil e puarte a Fusinis. A un cert pont e si la lasse par passâ a une strade blancje che e fasarà saltâ fûr al Lâc di Fusinis disore. E si vâ sù ancjemò un pôc par fâ lâ in miôr la cjalade a lis mont dal Ponze, Veunze e dal Mangart. Cui voi contents e si smonte jù a doi lâcs e po ae val disot dongje dal confin cu l'Austrie; simpri dilunc ciclabil si torne a Tarvis e ae stazion dai trens a Boscoverde.
, Dificoltât 
, Dificoltât 
, Dificoltât 
, Dificoltât 
, Dificoltât 
, Dificoltât 
Fotos e filmâts dal zîr
Il lustri dal Friûl.
Vognalis de nature in 60".
MTB Friuli in viaç cul cjaruç.
Rivino i doi a lâ dapardut?
