Cividât e je une citât storiche Unesco, cu lis montagnis ator, li cal ven sù il soreli ducj i dîs. Bielisime par dutis ce cal è: te citât a son tancj momuments e palaçs dai Romans, Celtics e Longobarts di viodi; i monts ator si jevin svelts de planure, lant sù si viôt dut.
Il Mont di Joanis al è un dai pics miôr di che bandis ca. A son plui stradis par lâ sù e par lâ jù, plui e mancul svelts. Il çuc, alt dome 1167 m, al è une ponte parsore des culinis in bande, viodint cusì il panorame su la plane furlane e lis monts ator.

Il zîr Cividât - Mont di Joanis al tache te place li de vecje stazion dai trens. Subit si jes dal paîs tacant la rive sù su stradelis, bande lis monts. Passant a drete di un palaç storic si cjape la strade blancje. Si va sù pe creste dal montagne a Nord di Cividât, pendencis no altis a fasin lâ sù pe Val di Torean.
Dilunc la rive sù, ancje dentri tal bosc, si rive a viodi il pic dal Mont di Joanis, li che si à di rivâ. La stradele e à dispès claps ca ti fasin fâ fature lant sù.
Chist al vâl per i prins 8 km fin ae alteçe di 710 m, a li dal Mont di Noas, di che altre bande de valade. Si passe al asfalt.

Il toc su asfaltât al va indenant cun piçulis rivis sù e jù, alçantsi di pôcs metris in 5 km. Chist toc di strade al è sierât a lis machinis e al mene fin ae fin da la val.
A un cert pont si rive ae strade asfaltade di Masarolis a Tàmoris. Chiste e je vierte a lis machinis: la strade e je miôr e plui largje. A mene ancje sù alc di plui, soredut il toc prime dal Rifugjo Joanis. Rivâts ae creste dal mont si va indenant in plane, passant a chel altri versant e rivant ae ultine rive sù.

Tache alore la rive sù su strade blancje, dilunc fûr la creste da la mont. In font de stradele al è bon, cun cualchi agâr ognitant. A no tire sù masse. Lant sù si jes dal bosc rivant ai prâts li che si viodin ben i monts li ator. Si cjape alore a man drete cu 'nt une rampute ca fâs rivâ ae creste dal Joanis, 1090 m adalt. Cun prâts dut ator il panorame si slargje, dal Mont Majôr ad Est, a lis culinis e la plane a Sud, l'arc des Juliis e Cjargnelis a Ovest. A Nord invezit dal Mont di Joanis al passe il zîr ConTOUR FVG te tierce zornade, rivant a Subit.
A no si rive in cime ae mont, si pues lant sù pal troi a çampe di li ca tache la rive jù. Il zîr invezit al va jù a man drete, tacant la rive jù su la creste dal mont. Si passe par prâts e piçui boscs, rivant al Rifugjo Joanaz, li che si cjape l'asfalt par 100 m, li che si è passâts prime.
Restant de bande Ovest da la mont si cjape il troi T1; chist al cambie tal timp, a seconde di ce cal sucêt. Si passe ator dal Mont Kaludranca, prime sù un traviers, daspò in lizêre rive jù e tal ultin al mene jù. Il toc plui dificil dal zîr: il font in crets e scavât, ma che si fâs distès. Une rie di tornants a mene ae strade blancje, simpri di rive jù.

Si rive a une beorcje, lant indenant a man çampe. Doi tornants li che si côr e po un traviers prime in plane e daspò in lizêre rive sù. Chi si passe fûr a Est dal Mont di Noas, rivant parsore dal paîs di Torean.
Tache di gnûf la rive jù, ca va jù ben e cul font de strade in ciment. Une file di tocs drets e voltis a ti puartin al asfaltât e al paîs di Montine.
Si cjol alore la strade ca mene, in un km in plane, a li che si veve tacât.

Il zîr al è lunc 33 km e cun 1050 m di rive sù. Ancje se la salide e je avonde, la pendence medie e je cujete, gjavant tantis piçulis rampis che son là. Te rive jù a no son tocs dûrs o periculôs.
MTBFriuli al ringracie Giuliana e Alberto par sedi vigûts e pe compagnie.